ابڙو اڪيڊمي Abro Academy
2020-07-19
داخلا نمبر 591
عنوان ٽڪلو (ننڍو)
شاخ پکي
پڙهيو ويو 324
داخلا جو حوالو:
ٽڪلو (ننڍو)
هي مکيون خور سائو پکي 22 سينٽي ميٽرن جو ٿئي ٿو. ان جا نر ماد هڪ جهڙا ٿين ٿا. پَـرن ۽ جسم جو رنگ هلڪو طوطائي ۽ پڇ جو رنگ ڪجهه وڌيڪ گهرو ٿئيس ٿو. مٿو ۽ ڪنڌ هلڪي سروٽي رنگ جا اٿس، ڳچي ۽ ڳل آسماني نيري رنگ جا، ڳچيءَ ۾ سنهو ڪارو ڪنٺ، چهنب کان اکين، ڪنن ۽ ڪياڙيءَ تائين ٿلهو ڪارو ليڪو ھوندو اٿس ڄڻ ته هيڪاندو ڪجل پاتو هجيس. پُڇ جا وچان کنڀ سنها، ڊگها، نوڪدار ۽ هلڪا نيرا ھوندا اٿس. چهنب ڪوڪي جهڙي ڊگهڙي پر ڪجهه مڙيل اٿس.
هي پکي وڻڪار وارين ٻهراڙين، پوکن ۽ نيم صحرائي ماحول ۾ آبادين وٽ ڏسڻ ۾ آهي. اڪثر ڪنهن ٿنڀي يا تار تي ويٺل نظر ايندو آهي ۽ هڪ جاءِ تي نه ويهندو آهي. ھر وقت جيتن جي تاڙ ۾ هوندو آهي. ننڍو ٽڪلو ماحول : 6 جو پکي آهي.